Press "Enter" to skip to content

Hilabetea: urtarrila 2012

Javi Oteiza gaur Izerditan Blai saioan

izerditan blai izerditan blai
2012-01-18

Podcast: Play in new window | Download

Iepa kaxo!

Opor luze hauen ostean berriz hemen gara saio berri bat eskaini asmoz. Gaurkoan lehengo zatian betiko lez emaitzak izango ditugu, eskubaloiko garaipen estuak azpimarratuz.

Hondartzako futbolean ere beste jardunaldi bat izan genuen eta bertako kronika ere ekarriko dizuegu.

Azkenik Javi Oteiza izango dugu protagonista. Pilotari profesional izateari utziko dionez bere ibilbidea errepasatu eta pilota munduaz jardungo gara. Aspaldian ez bezala “Bi paetak/txapapea” atala berreskuratuko dugu, Xoti agertuko ote zaigu….
Javi Oteiza eta bere eskuin bikaina
Hau dena 20.00tatik aurrera, ez hutsik egin!

Zirrimarrak: hamaika begirada Palestinari

zirrimarrak zirrimarrak
2012-01-17

Podcast: Play in new window | Download

Aste honetako Zirrimarrak saioan Palestinarako Biladi Hadi kultur brigadak argitaratutako liburua  eta diskoa  aurkeztuko dizkigu Axier Lopez kazetari eta brigada honetako kideak. 2010eko uztaila eta iraila bitartean izan ziren  Palestinan Euskal Herritik joandako kazetaritza, kultura eta hezkuntza munduko hainbat lagun, eta bidaia haren fruitua dugu  “Biladi Hadi: hamaika begirada Palestinari Euskal Herritik”. 

Joan berri zaigun Jose Lusi Alvarez Enparantza “Txillardegi” ere gogoan izango dugu, eta tarte berezi bat egingo diogu ohiko berri, lehiaketa eta abarren artean. Ez galdu ba, Zirrimarrak! Asteazkenero bezala, 21:45 inguruan hasita, Arraio Irratian!

Felixen bisita ZarataZarautzen

arraio arraio
2012-01-17

Podcast: Play in new window | Download

Aste honetako ZarataZarautzen Felixen bisita edukiko dugu beste behin ere. Eta oraingoan ere proposamen berezi batekin etorriko zaigu gurera. Jarraian berak idatzi digun mezutxoa:

Zer dute komunean musika estilo ezberdineko irudiko LP guzti hauek? Ba guztiak Alternative Tentacles zigiluak argitaraturikoak direla. 30 urte baino gehiago daramatza zigiluak “terrorismo kulturalean” murgilduta. Dead Kennedys, Amebix, D.O.A., Man is the Bastard, Alice Donut, B.J.K., Les Thugs, Dead & Gone eta beste hainbat talderen lanak kaleratu ditu.

Gogoratu asteartean, gaueko 21:30etatik aurrera zita zaratatsua duzuela FMko 99.3an edo internet bidez.

Atzokoan Urtetako zabortegiaren inguruan

Ahuntzaren Gauerdiko Eztula Ahuntzaren Gauerdiko Eztula
2012-01-16

Podcast: Play in new window | Download

Iepala!!
Ba bai, atzokoan ere jo ta su aritu ginen ahuntzok. Asteko laburpenaren ostean, Hala Bediko Bertxoko irratsaioko Anderrekin elkarrizketa bat izan genuen Ekaitz Samaniego gasteiztarraren alde izan diren elkartasun ekimenen inguruan. Larunbatean, manifestaldia amaitu bezain pronto izan zen atxilotua baina zeresan handia eman du, kondena zein zen jakitean, ezkutatu eta Gasteiz osoan aspaldi hontan ezagutu izan den kanpaña handienetako bat eman da. Guzti hontaz aritu ginen atzokoan Anderrekin.
Gerora, Unai Laxkanorekin mitxelena auzoko goraberataz aritu ginen. Aspaldiko kontutaz jardun zitzaigun. Trenek hainbat urtetan auzoko etxetan sortu dituen txikizioak izan zituen hizpide.
Eta bukatzeko Urteta auzoan bizi den Joseba gaztearekin izan ginen. Inoiz entzun ez diren egiak bota zituen urtetako zabortegiaren inguruan.
Ez bazenuten entzun, ez galdu aukera grabaketa entzun ahal izateko.

Adiorik ez, hurrengo iganderarte baizik.

MAROKO BIZIKLETAN!!

bitacora kaiera bitacora kaiera
2012-01-15

Podcast: Play in new window | Download

Aste hontako sayuan, Bitakorako 2 esatariyak beste lagun batekin gabonetan Marokon indako bizikleta txanguan berri emango deu. Casablancatik abitu giñan eta kosta jarraituz Agadirreaño allau giñan, danea 600 km inguru iñez.

Bakizuen bezela, astelehenian gaueko 21:00tatik aurrea Bitakora Kaiera. Ez gelditu atzian!!!!