Press "Enter" to skip to content

Hilabetea: urtarrila 2013

Bertso Eskola Digitala

zirrimarrak zirrimarrak
2013-01-15

Podcast: Play in new window | Download

Kaixo Zorrimarrok!

Gabonetako atsedena amaituta, gogoz gatoz Arraio Irratiko gela arrosera Zirri eta Marra. Ohi bezala, nahikoa berri eta hausnarketa interesgarri utzi dizkigute 2013ko bi aste hauek, musika munduan galera handi bat ere ekarri arren. Horiek aipatuta, berrikuntza baten berri emanaz hasiko dugu urte berria: Bertso Eskola Digitala. Bai, ondo irakurri duzue, hori ere egin du norbaitek! Gainera, Euskal Herri osoko bertso eskolen mapa eta bertsolaritzaren mapa ere osatu dituzte atari berrituan. Hain zuzen, bertso eskola honen egile Manex Agirrezabal informatikari bikaina izango dugu gurekin.

Badakizue, asteazkenero 22:00etatik aurrera Arraio Irratian! FM 99.!

Smashing Pumpkins taldeari eskeiniriko Salda

Isuo Isuo
2013-01-14

Podcast: Play in new window | Download

Aupa entzule!!

Smashing Pumpkins taldeari buruzko Salda Badago berezia burutu dugu gaurkoan. Talde kuttuna dugu eta bere lehen hiru diska ederretako kanta ahaztezinak entzun ditugu, garai haiei gorazarre eginez. Dena ez da ederra ordea, Smashing Pumpkins hauengan, izan ere abeslariaren tiranokeria zantzuak zein beste zenbait anekdota zakar ere aipatu ditugu. Horrez gain, hiru diska haundi horien ondoren taldeak hartu zuen norabideak ere ez digu grazia handiegirik egiten eta ez diogu, ez, kasu handirik egin. Gaur egun ere taldea “aktibo” omen dago, baina halamoduz.

Irratsaio hau hemen entzun dezakezu

Soka tira mintzagai aste honetako Izerditan blaien

izerditan blai izerditan blai
2013-01-08

Apa kaxo!

Aste honetarako saio berezia prestatu dugu, alde batetik gure taldeetatik oso gutxik jolastu dutelako eta bestetik soka tirari helduko diogulako.

Herri kirolei tarte askorik eskaintzen ez diogunez aste honetan Onintzari elarrizketa bat egingo diogu. Bera 260 kgtik beherako Ibarrako soka tira taldean dabil eta pasa den abenduan Euskal Herriko txapeldun bilakatu ziren 4×4 goma gainekoan. Honen inguruan jarduteaz gain soka tira emakumearen ikuspegitik nola bizi den kontatuko digu.

Saioa borobiltzeko playeroei tarte berezi bat eskainiko diegu. Asteburu honetan (igandean) 10:30tan jardunaldi berri bat dagonez kiniela egin beharko dugu. Ez ahaztu zuek ere honetarako aukera duzuela hemen iruzkiña utziz:

KIRIBIL ESTILISTAK – QUEENS
KUPELA – KATIXA
ARANOLA LEIHOAK – ZUBI-ONDO ERRETEGIA
XIXARIO ERRETEGIA – LAGUNAK ERRETEGIA

ASTI PINTURAK – MARMOL-MALECON
KOSTA HORTZ KLINIKA – INDAUX
SALBIDE TABERNA – ABETA ZAHARRA LANDETXEA
ASERGROUP – ULACIA-BIDAIAK

ITXASKI TABERNA – S.F. TXANELA
ARRANO – KIRKILLA-ENEA JATETXEA
ARG – PUB DADA
TALAI MENDI KANPIÑA – LAGUNAK ERRETEGIA