Press "Enter" to skip to content

Hilabetea: azaroa 2016

Herriko taldeen partidak eta playeroak mintzagai gaurko saioan

izerditan blai izerditan blai
2016-11-18

Podcast: Play in new window | Download

Kaixo entzule maite!!

Gaurko saioan aspaldiko partez herriko taldeei egingo diegu errepasoa. Azken jardunaldietan izan dituzten emaitzak eta sailkapenean duten egoera aztertuko dugu. Asteburu honetan izango dituzten partidak albo batera utzi gabe, noski.

Honez gain Ander “Risi” izango da gurean, Talai-mendiko jokalaria. Berarekin aurreko asteko playeroetako emaitzak errepasatuko ditugu eta ondoren 5. jardunaldiko kiniela egin. Gogoratu zuek ere kiniela egin dezakezuela fazebukean edota esatarioi zuzenean eskura emanik. Betiko moduan hau dena 18.00tatik aurrera izango duzu entzungai Arraio Irratian, FMko 99.3an!!

IMG_8014_content

“Iparregarri. Urretxuko azken bardoaren kondaira” eta ZINEBI gaurko Zinema Itsuan

atalka atalka
2016-11-17

Podcast: Play in new window | Download

Gaurko Zinema Itsuan Euskal Herrian geratuko gara. KKinzona irrati libreko gure kideekin “Iparregarri. Urretxuko azken bardoaren kondaira” luzemetraiaren inguruan hitz egiteko aukera izango dugu.

Bestalde, azaroaren 18an Bilboko dokumentalen eta film laburren nazioarteko 58. jaialdiari hasiera emango diote, ZINEBIri. Jaialdia ezagutu eta bertan parte hartu duen zarauztar batekin hitz egingo dugu.

Potolo dator gaurko saioa!

21:00etatik aurrera FMko 99.3n

Nazioarteko Elikadura Subirautzari buruzku Lur eta Murmur irratsaioa

arraio arraio
2016-11-17

Podcast: Play in new window | Download

Kaixo lagunok. Arraio Irratira iritsitako mezu batekin gatoz gaurkoan, zabaltzeko eskatu digutena. Lur eta Murmur irratsaioak Errumanian egin zen Elikadura Subirautzari buruzko irratsaioa da:

Bizilur elkarteko kideek, joan den astean Rumanian egindako Nazioarteko Elikadura Sobirautzari buruzko foroan egon ondotik, honako esteka bidali digute, bertako berri emateko, beraien irrati saioan egindako lana….behean esteka…

lur

Elikadura Burujabetzarako 2. Nyéléni Forum Europarratik iritsi berriak gara!! 600 pertsona, 40 herrialde, 20 hizkuntza… Cluj-Napocan, Errumanian. Kalitatezko elikadura eta baserritarren eskubideei buruz eztabaidatzeko. Euskal Herriko delegazioan joandako kideen artean saio honetan gerturatzen zaituztegu han entzundako hausnarketa eta ahots desberdinak.

LURRA DA ONDASUNA!
LURRA DA ASKATASUNA!

Zarauzko harrobia biharko Kaiolatik saioan!!

elektrope elektrope
2016-11-17

Podcast: Play in new window | Download

Iepa kaixow lagunok!!! Biharkoan Zarauzko harrobiari egingo diogu so, izan ere, Pedro Berazadi gaztearen bixitan izango dugu gela arroxean. Urtebetetxo bat pintxatzen daraman Pedrok, bere aitaren oinordekotza hartu duela esan daiteke, izan ere aitak ere nahasketak egiten zituen lehen. Duela urte bat lagunekin egiten zituen festetan musika jartzen hasi zen, eta beranduago herriko taberna ezberdinetan nahasteko aukera izan du. Techno-a, Tech house-a eta melodia ugari nabaritu daiteke bere sesioetan!!! Bihar bera ezagutu eta entzuteko parada izango dugu Arraio Irratian. UP THE KAIOLS!!!!

13770503_217787728622545_2889037398084766481_n

Hirukotearen txanda ZarataZarautzen

arraio arraio
2016-11-14

Podcast: Play in new window | Download

Aste honetako ZarataZarautz saioa ohiko hirukoteak egingo dugu. Aste honetan Ritxarren bisita espero genuen baina atzeratu egin dugu, hortaz, ez dugu gonbidaturik edukiko. Total Arserekin burutu dugun biran lorturiko material berriarekin eta beste kontu batzuekin osatuko dugu astearteko saioa, beti bezala, gaueko 21:30etatik aurrera.

gu_geu_azaroak15

Aste honetako irratsaioa podcastean duzue entzungai. Playlista berriz HEMEN.