Press "Enter" to skip to content

Hilabetea: azaroa 2016

Patxi Gabilondo: “Bertsioetarako baino potentzial gehiago bazelako hasi ginen geure kantak sortzen”

arraio arraio
2016-11-10

Podcast: Play in new window | Download

Urriaren 26tik salgai dago Errime taldearen lehen maketa Azpeitia, Azkoitia, Zarautz eta Urretxuko hainbat gunetan, 5 euroren trukean. Egindako lanarekin “oso gustura” gelditu dira taldekideak eta oraindik data zehatza ez badakite ere, taldearen aurreneko maketa Azpeitian aurkezteko asmoa dute.

errime_content_content

Durangoko Azokan ere izango dira, lan berriarekin. Azpeitiko Udalak eta Kultur Mahaiak emandako Sorkuntza Bekari esker lortu dute proiektua aurrera ateratzea, eta eman ditu bere fruituak ordu askoko lanak. Asier Aizpuru, Paul Beitia, Patxi Gabilondo, Jon Gurrutxaga, Unai Martinez eta Felipe Murillok osatzen dute Errime taldea, eta Zarauzko Arraio irratiko gela arroxarekin bat egin dugu horietako baten hitzak gurera ekartzeko, Arraioko Izotzek egin baitio elkarrizketa Errimeko Gabilondori gaurko sormen tarterako.

Elektropeñaren txanda aste hontako Kaiolatik saioan!!!

elektrope elektrope
2016-11-10

Podcast: Play in new window | Download

Iepa kaixo Kaiolazaleok!!!! Aurreko asteotan gonbidatu interesgarri ugari jaso ostean, biharkoan Elektropeñak hartuko du saioaren gidaritza. Hasteko Axel Boman suediarra izango dugu hizpide, biharko egunez Donostiako Dabadaba aretoan eskeiniko duen pintxada dela eta. Azken aldian lilluratuta naukan Throwing Snow britainiarra ere ezagutuko dugu, eta hori gutxi balitz, orain gutxi atera diren argitaralpen batzuk ere jarriko ditugu, Sandboards, Adam Port edota Matador bezelako artisten eskutik!!! Ez galdu zita lagunok, saio anitza eta ederra dugu eta esku artean!!!! UP THE KAIOLS!!! BETI!!!!

IMG_20160606_130517

Turismoaren ertzak aztertuko ditugu gaurko Atalkan

atalka atalka
2016-11-10

Podcast: Play in new window | Download

Turistaz beteta (izan) ditugu bazterrak Zarautzen eta inguruetan. Venezia, Bartzelona edo Amsterdamen dagoen masifikaziotik urrun egon arren, guri ere eragiten digu udaberri eta udako turismoaren gorakadak. Egokia al da erakundeen bidez saltzen duten turismo eredua? Zerbait aldatu behar al dugu? Antzeko galderei erantzungo die Nerea Kamio turistologoak gaurko Atalkan. Donostiako Parte Zaharrean turismoa izaten ari den inpaktua aztertu berri du. Interesa baduzue, badakizue non egongo garen!

 

(Argazkia: Irutxuloko Hitza)

nereak

Playeruak, sorginkeriak, madarikazioak eta bestelako bitxikeriak biharko saioan

izerditan blai izerditan blai
2016-11-10

Podcast: Play in new window | Download

Kaixo entzule maite!

Bat batean negua sartu zaigun honetan saio eder bat prestatu dugu epelean entzun dezazuen. Biharkoan playerotako 4. jardunaldiko kiniela egingo dugu Kupela taldeko Amaiarekin. Beraien taldeaz ere arituko gara, azken urteetako nagusitasunaren sekretua argitzen saiatuko gara.

Bestalde, saioa honetan kirol munduko sorginkeria, madarikazio eta bestelako bitxikerien berri emango dizuegu. Batzuk aski ezagunak dira, Guttman jaunak Benfika bere talde ohiari botatakoa esaterako. Katu hilen historiak, sorgin bati utziriko zorra, magia beltza… Kontu hauen inguruan gehiago jakin nahi ezkero badakizu zer egin behar duzun?? Arraio Irratia sintonizatu ostiralean 18.00tan (errepikapena larunbatean 10.00tan) zure irratiko FMko 99.3an!!

maldicion-benfica

ZarataZarautz bueltan da Mariminekin

arraio arraio
2016-11-07

Podcast: Play in new window | Download

Total Arse taldearekin biran egon ostean, ZarataZarautz irratsaioa Arraio Irratiaren uhinetara itzuliko da gonbidatu batekin. Aste honetako irratsaioan Marimin edukiko dugu gurekin.

azaroak8_miñas

Duela hilabete batzuk, gurean izan genuen Marimin bere gustuko musika jartzen. Oraingoan, 80ko hamarkadan eta gaur egun entzuten dituen Punk eta Hardcore abestiak jarriko dizkigu, beti bezala, gaueko 21:30etatik aurrera.

Atzo Mariminekin egin genuen saioa entzungai duzue podcastean. Playlista berriz HEMEN.