Zarauzko irrati askea
Podcast: Play in new window | Download
Gaurko ZarataZarautz irratsaioan nobedadeak izango ditugu entzungai. Gainea, ordu eta erdiko irratsaioa burutuko dugu aste honetan, aurrekoan laburragoa egin genuen.
Gogoratu zita zaratatsua duzuela 21:30etatik aurrera, Arraio Irratian.
Atzoko saioa podcastean duzue entzungai. Playlista berriz HEMEN.
Aurtengoan berrikuntzekin gatoz, betiko saioez gain ahots berriak eta gai berriak entzuteko aukera izango baita Atalkan.
ZINEMA ITSUAn Marlene eta Louise elkarrekin arituko dira berriz ere. Zineaz eta arte honek dakartzan bitxikeriez hitz egingo digute, beti ere soinu banden laguntzaz.
Belarriak astintzeko aukera ere izango da Lopandere eta M.A.ren eskutik GORKEYAn. Hainbat estilo eta garaitako emakume taldeen istorioak eta abestiak zuengana heltzeaz arduratuko dira.
ELKARRIZKETA saioa ez da faltako. Â Gai ezberdinei buruzko elkarrizketa eta solasaldiak entzuteko aukera ezin hobea.
Azkenik, KITZIKAN saio berrian, Kim eta Pam.en eskutik  erotikaren mundu zabala ezagutzeko aukera izango dugu. Kanpoan geratzen diren desira, edota normetatik at dauden praktikei buruz arituko zaizkigu. Eta noizean behin kontaketa erotikoak izango dituzue entzungai, gauak goxo goxo amaitzeko.
Ostegunero izango gaituzue gela arroxetik zuzen zuzenean.
Arraio Irratiko 99.3an!!!
Podcast: Play in new window | Download
Aurten denboraldiaren berrikuntzarik garrantzitsuena Marlene eta Louise berriz ere elkarrekin arituko garela da. Eta lehen saio honetan ez gara bakarrik egongo, Oihana Leunda eta Arantza Arruti izango ditugu Zinemaldian gertatukoaren berri emateko. Beraiekin jaialdian gertatutakoa errepasatu eta bertan izan dituzten sentipen eta bitxikeriei buruz arituko gara.
Beraz ez galdu aukera, ostegunean 21:00etatik aurrera FMko 99.3an
Podcast: Play in new window | Download
Kaixo entzule maite!
Udako oporraldi luzearen ostean berriz ere uhinetan gara beste denboraldi batez herriko kirol kontuen berri emateko asmoz. Izerditan blai saioa, aurten ere iaz bezala ostiraletan 18.00tan egingo dugu Putzuzulon dagoen Arraio Irratiko gela arroxetik. Berrikuntza bezala jakin Asier Arangurenen baja dugula atzerrira joan delako, eta abendutik aurrera Aitor Marramendiren itzulera espero dugula, agin lehenago ere saioren batera agertzeko asmotan izan da. Hau kontuan izanda, ostiralero Patxi Magic, Gerard Brigde eta Juanan izango gara Naxariren tartekako presentziarekin.
Aste honetako saioari dagokionez plaieroen inguruko saio bat prestatu dugu. Alde batetik Jon Erzilla izango da gurean Playeruak 2.0 aplikazioaren berri emateko. Ez dakienarentzat jakin dezala app honen bidez plaieroetako informazio bikaina jaso dezakezuela zuen mugikorrean. Orain 3 urte garatutako proiektu honek geldiune bat izan zuen iaz eta aurtengo berrikuntzak zeintzuk diren azalduko dizkigu. Bestetik Amaia eta Nere izango dira gurean emakumezkoen plaieroak bizi duen egoeraren berri emateko. Denboraldi hasiera honetan talde batzuk desagertu direnez arazoak dituzte liga osatzeko. Oraingoz 3 talde osatu dira eta laugarrena zalantzan dago, jakin inor interesaturik balego plaieroetan jolasteko honako helbidera idatzi besterik ez duela: neskanplaieruak@gmail.com
Ahaztu gabe, gure gonbidatuekin ere gizonezkoan lehendabiziko jardunaldiko kiniela ere egingo dugu, zuek ere animatu horretara!!
Podcast: Play in new window | Download
Aste honetako ZarataZarautz irratsaioan Etengabeko Zarata jaialdia izango dugu hizpide.
Trintxerpeko Moganbo aretoan eta Larratxoko Kultur Etxean burutzen den jaialdia da honakoa eta aurten 15 urte beteko ditu. Eta horretarako jaialdiaren antolatzailea den Fres izango dugu gonbidatu.
Aste honetako irratsaioa gainera ordubetekoa izango da eta 22:00etatik aurrera entzun ahalko duzue.
Irratsaioa podcastean duzue. Playlista berriz HEMEN
