Zarauzko irrati askea
Kaixo, zinemazaleok!
Hasteko, lehengo asteko huts egitea azaldu nahi genizueke: greban geunden. Eta, bihar, pena handiz, baina aurreratu nahi dizuegu ez dugula zuzeneko saiorik egingo; izan ere, gure Louise ezin izango da etorri.
Kontuan izanik Errementari estreinatu berri dela, Maite Bastosi egindako elkarrizketa eta Igelak filmari buruzko solasaldia bildu zituen irratsaioa jarriko dizuegu! Eta Aste Santutik bueltan, indarberrituta eta gai interesgarriekin itzuliko gara.
Podcast: Play in new window | Download
Aste honetan Juanma datorkigu bisitan. Penintsulan irten diren diska berriei errepasoa egingo dio gurean, beti bezala, gaueko 21:30etatik aurrera.
Juanmarekin eginiko irratsaioa entzungai duzue podcastean. Playlista berriz HEMEN duzue.
Podcast: Play in new window | Download
Aupakaxo bertsozale!
Aste honetan Osinberde sariketan parte hartu zuen Danel Olano Getariarra entzungai. Puntu-eraztunetan Ane Peñagarikanoren erantzuna, nori jarri ote dio puntu berria? Gainera, Big Bang sekzioan hainbat berri interesgarri izango ditugu eta Teleskopiotik-en, Osinalde sariketako pare bat bakarkako entzungai. Hau dena eta gehiago, asteazkeanean 20:00etatik aurrera arraion, EZ GALDU!!
Podcast: Play in new window | Download
Kaixo!
Martxoaren 8ko mobilizazio historikoa pasatu berritan, planto feministaren balorazioa egin nahi izan dugu. Batetik, egunaren balorazioa egin digu mugimendu feministako kide Ainhizek, eta bizi izandakoa kazetari begietatik kontatu digu Amaiak. Gainera, martxoaren 8az gain, pentsionisten protestak ere izan ditugu hizpide Duintasuna plataformako Marikruzekin.
Hau guztia, gure efemerideekin lagunduta! Igandero bezala, 21:00etatik aurrera Arraio Irratian! FM 99.3!
Podcast: Play in new window | Download
Kaixo entzule maite!!
Biharko saioan Txaro eta Lurdes korrikalariak izango dira gela arroxean. Txaro 60 urtetik goragoko kategorian hirugarren postuan sailkatu zen joan den igandeko Lilatoian. Emaitza horren inguruan ez ezik, lasterketa honen inguruan ere arituko gara, makina bat ediziotan parte hartu dutelako biek. Lasterketa honetan parte hartzeaz gain, Txumairekin entrenatzen ibiltzen direnez, talde honen eta beraien dinamiken inguruan zerbait gehiago jakiteko baliatuko dugu.
Elkarrizketa interesgarri hau baino lehen ordea, playeroen emaitzei erreparatu beharko diegu. Mutilen kanporaketak erabakita geratu dira eta nesketan ere badakigu zein talde arituko diten kopan eta zein ligan. Hau dena beti bezala, 18.00tatik aurrera izango duzu entzungai Arraio Irratian, FMko 99.3an!!
