Egilea: hankak_lurrean

Podcast: Play in new window | Download

Aste honetako ttirriki-ttarraka irratsaioan hileko azken asteetan egingo dugun bezala, azaroari errepasoa emango diogu eta Euskal Herrian zein nazioartean lurrarekin loturiko zenbait berri jorratuko ditugu saioaren hasieran. Ondoren, gai interesgarri baten ingurumarian arituko gara, erlearen bueltan alegia. Izan ere,  erleak  desagertuko balira gizakia ere desagertuko litzatekeela esan zuen behin hola Einstein  handiak. Gurera, bera ez baina  erleez eta eztiez hainbeste dakien  Martxel Aizpurua hurbilduko da, erlezain eta biologo zarauztar ezaguna,  eta berarekin erleen gainean jardungo dugu luze eta zabal. Badakizue beraz ostegunero bezala, arratsaldeko 19:30tatik 20:30artean arraioko uhin libreetan aurkituko gaituzuela.

Podcast: Play in new window | Download

Lehen irratsaioa osatu dugu ttirriki-ttarraka hankak lurrean arraio irratian. Sara Letamendiarekin zolda-belarra izan genuen hizpide, hilero eta  hirugarren asteetan egingo dugun sendabelarren atalari hasiera emanez.  Aizarnarrak noiz bildu, nolakoa den eta batez ere zertarako erabili azaldu zigun. Izan ere, aspalditxokoa dugu landare honen ezagutza gurean; golpe eta okertuentzat eta batez ere hezurrak josten, bere izenari zordun. Sustraiekin eta kanpo erabileran beti ere, nola egin ukendua, olioa edo alkohola azaldu zizkigun. Jarraian , Iban Zabaltza botanikoa eta Blaseneako kidea izan genuen . Berarekin, Elkanon duela 15 urtetatik hona duten   Blasenea landare mintegia erakutsi zigun, zer den, nola sortua, zergatik… Solasaldi ederra osatu genuen eta landare ekologikoak ekoizteaz gain, bestelako proiektuen berri ere eman zigun  eta azaroan gaudenez, hazien aroa edo hila, gaur egun haziengan transgeniko eta transnazionalek duten kontrola eta geure haziak izatearen garrantziaz jardun zigun Ibanek. Eta musika eta bestelako hainbat kontu ere izan ziren… Entzungai duzue beraz irratsaio osoa, on egin! Datorren astean ostegunez,  19:30 20:30 artean, hobeto ez dakit baino gehiago seguru!