Zarauzko irrati askea
Igande hontan, azkenean , Axel Luzarragarekin asteartean grabaturiko solasaldia aireratuko dugu.
Tartekatuz, blokeka joanen gara, tartean $hileko taldeak eta musika maputxea ipiniz. Baina lasai, efemeride libertariyo eta Malintxerenak ere entzungai izango dira. Egia esateko, Axelekin hiruzpalau saio egiteko gaiak bagenituen, baina…
Badakizue ba, galdu ezinezko elkarrizketa. Igande hontan 21’tatik aurrera.
Aste honetan, Zarauzko ARKAMURKA taldeko kide den Aitziber Sarobe izango dugu gonbidatu ATALKAn.
Aski ezaguna izango duzue seguruenik bai Arkamurka eta baita Aitziber ere, baina ziur oraindik badirela natur taldeaz jakiteko nahiko istorio. Arkamurkak badu nahikoa historia eta pisu Zarautzen eta hauek eta bestelako kontuak astinduko ditugu oraingoan.
Bestalde, gonbidatuak, astero lez, gustuko 3 kantu ekarriko dizkigu eta horiek ere entzungai, beti bezala, osteuean, gaueko 22’00etan punttuan!”
Aurreko astean Ritxarrekin egin genuen saioaren ostean, beste gonbidatu bat edukiko dugu ZarataZarautz irratsaioan.
Azaroaren 23ko irratsaioan, Art of Losing talde Zarauztarreko Peiote izango dugu gonbidatu bezala.
Beraz, gogoratu zita bat duzuela astearte honetan, Arraio Irratiko 99.3an
Ba bai, Azaroaren 25ean 23 urte beteko ditu Txurik Espainiako hainbat espetxetan bahiturik. Honenbestez, bere arreba izango dugu gurekin eta urte luze hauetan bizitako esperientziak kontatu ahal izango dizkigu.
Arantza Zuluetaren berri ere eman beharrean izango gara, Muturreko isolamendua ezarri baidiote eta momentu honetan gose greban dago.
Eta Igandero bezala, efemerideak eta asteko errepasoa. Ahaztu gabe, asteroko perlaren bat ere izanen da.
Ale ba, adiorik ez, igandea 21’rak arte baizik!!!
Azaroaren 16ko ZarataZarautz irratsaioan gonbidatu berezi bat edukiko dugu. Tarin tabernako langilea den Ritxar edukiko dugu gurean gustoko duen musika jartzen.
Denbora luzez zain egon gara Ritxar gurean edukitzeko eta orain oporretan dagoela aprobetxatuz, ordu eta erdiz bahituko dugu gustoko duen musikaz jarduteko eta kontu gehiagotaz hitzegiteko.
Gogoratu galdu ezinezko zita bat duzuela Arraio Irratiko uhinetan, astearte honetan, gaueko 21:30etatik aurrera.
