Zarauzko irrati askea
Gure urteurrenari amaiera emateko, Kontzertua antolatu dugu Zarauzko Putzuzulo Gaztetxeko kontzertu gelan. Bertan SKT sekuentzia , Laia eta Panta bakarlariak izango ditugu.
Kontzertua amaitzean berriz, DJ Xarmak 60 eta 70. hamarkadako kantuak ipiniko ditu gaua amaitzeko.
Atzoko hitzaldiaren ondoren, gaur beste mahai-inguru batekin jarraituko dugu Putzuzulo gaztetxean. Txopik eman zuen hitzaldia PDF formatuan eta ODP formatuan eskuratu ditzakezue Ikusimakusi webgunean.
Gaurkoan berriz, Izerditan blai irratsaioaren eskutik, eskolarteko kirola eta kirol federatuak izango ditugu hizketagai. Bertan, Zarauzko hainbat kirolari ezagun, eskoletako kirol arduradun eta entrenatzaile izango ditugu mahai-inguruan, arratsaldeko 20:00etatik aurrera.
Arraio irratiaren 2. urteurreneko ekitaldien barruan, gaur, arratsaldeko 20:00etatik aurrera hitzaldi interesgarri bat izango dugu Jabetza intelektualarekin erlazioa daukaten hainbat gairi buruz: jabetza publikoa, copyrighta, copylefta, anti-copyrighta, creative commons lizentziak, jabetza intelektualaren legea, kopia pribatuaren eskubidea, kanon digitala, P2P sareak, SGAE, aipamen eskubidea, liburutegietako maileguen kanona, kultura librearen aldeko ekintza batzuk, gai honen inguruko epaiketak, etab.
Honez gain, “se creativo” animazioa ere ikusteko aukera izango dute bertara hurbiltzen diren guztiek.
Aukera paregabea beraz, musikari, artista edo idazlerentzat gai honetaz zerbait gehiago jakin dezan.
ZarataZarautz irratsaioaren eta Zarauzko Gazte Asanbladaren eskutik, Maiatzaren 16an, Ostiral interesgarria antolatu da Zarauzko Putzuzulo Gaztetxean. Hasteko, arratsaldeko 20:00etan, hitzaldia izango dugu “Espekulazio basatia Valentziako El Cabanyal auzoan” izenpean.
Honen Ondoren, gaueko 22:00etatik aurrera, Punk Rock gaua izango dugu bi talderen eskutik. Lehenak, Beasaingo Dune Buggy izango dira eta gauari amaiera emateko, Valentziako DSM-5 taldea egongo da emakume ahotsez lagunduriko bere punk rock zakarra astintzen.
Honez gain, aipatu berriz ere gaur, gaueko 21:30etatik aurrera zuen belarriak zulatzeko prest egongo garela.
Pixkana-pixkanaka programazio berria hari gara egiten arraio irratian eta honen ondorioz ZarataZarauzko kideek gure irratsaioaren ordutegia aldatzea erabaki dugu. Gaurtik aurrera, gure irratsaioak, asteartetan, gaueko 21:30tan izango dira.
Honez gain, larunbat honetan, Maiatzaren 10ean, kontzertu zaratatsua antolatu dugu Putzuzulo Gaztetxean.
Bertan, 90. hamarkadako Violent Headache talde Bartzelonar mitikoa arituko da. urte askotan geldirik egon ondoren, oholtza gainera itzuli dira eta parada ezin hobea izango da Putzuzuloko kontzertu aretoan ikusteko.
Bartzelonarrez gain, Tolosako RAS taldeak eta Galdakaoko Venereal Diseasek joko dute.
