Zarauzko irrati askea
Podcast: Play in new window | Download
Aupa Arraiozaleok!!
Urteari hasiera bikaina eman diogu Salda finarekin. Post-rockari bigarren eta azken gorazarrea egin diogu mundu mailako talde ezagunak (Mogwai, Mono eta This Will Destroy You) zein euskal eszenako talde bikainak (Miztura, Giranice eta Madeleine) entzunaz. Azken hauek gure programan izango ditugu laster, aski laster!!
Programa bortitz hau hemen entzun dezakezu
Arraiozale, gozatu!!!
Podcast: Play in new window | Download
Aupa Arraioko entzule finok!!
Astelehen honetan Post-rockari buruz egin genuen Salda Badago irratsaioa, eta korronte musikal honetako talderik esanguratsuenak ekarri genituen FMko 99.3ra, gure Arraio Irrati maitera. Harro egoteko moduan dira Slint, Tortoise, Explosions in the sky, Godspeed you! black emperor eta Do Make Say Think taldeak, beraien musikak hain urrun eginak izanagatik gure uhinetaraino heldu baitira. Ezin du edozein taldek esan Arraio Irratian pintxatu dutenik, eta hauek lortu dute musika jotzen hasten den edozein kakanarruren ametsa.
Bejondaiela!
Saio hau hemen entzun dezakezu
Podcast: Play in new window | Download
Aupa Saldazaleok!!
Iritsi da behingoz gure esatari konta-katiluak hainbestetan agindutako saioa. Pat Metheny handiari merezi duen gorazarrea egingo diogu bere ibilbide musikalari errepaso mardula emanez. Jazz munduan aski ezaguna da gure lagun Pat, molde zaharrak berritu eta beste estiloekin nahastuz egindako ekarpenak medio.
[vimeo]http://vimeo.com/26277837[/vimeo]
Bere kitarrarekin abesti ikaragarriak egin ditu urte askoan, bakarlari gisa zein taldean, baina baita astakeria handi xamarrak ere. Tartean disko esperimental zantarrak atera izan ditu, eta duela gutxi bira bat egin zuen robotez osaturiko orkestra bat zuela lagun. Guk bere musika maite dugu eta ergelkeria hauek ere barkatu egiten dizkiogu.
Beti bezela, astelehenean 22:00etan punttu-punttuan, salda bero-beroa.
Irratsaio hau hemen entzun dezakezu
Podcast: Play in new window | Download
Irratsaio isila egin genuen astelehenean, musika oso lasaia jartzeaz gain esataria ohi baino isilago egon baitzen. Mikel Laboaren heriotzaren laugarren urteurrenean bere kantu instrumental batzuk entzun genituen, Jabier Muguruzaren kontzertua gogoan bere diska berria aurkeztu, eta Maddi Oihenarti ere egin genion tartea. Aipaturiko Maddiren hitzaldia hemen duzue. Portzierto, iragarritako Isuoren kontzertua ostiralera atzeratu da. Ondo izan!!!
Irratsaio hau podcastean edo hemen entzungai duzue.
Podcast: Play in new window | Download
Apa Kaishou!!
Astelehen honetako Salda Badagon, EBB egunaz eta AHTren aurkako jardunaldiez iharduteaz gain, zenbait ekimen zein talde interesgarri ezagutarazi dizkizuegu, tartean Bi Arreba, Elurretan eta Parole. Gozatu duzuelakoan, saioa hemen duzue entzungai.
Muxuak!!!
