Press "Enter" to skip to content

Kategoria: Zirrimarrak

Zirrimarrak: Durangoko azoka eta KTX12

Isuo Isuo
2012-12-12

Gaur irratsaio berezia entzun ahal izango duzue Arraion gaueko 10etatik aurrera. Zirri Gasteiz aldera bidali dute korrespontsal lanak egitera, beraz Marraren bakarkako debuta izango da gaurkoan. Bakarrik egingo denez hain ohikoa ez den erretransmisioa izango da, baina ez edukinik gabea:

Gai orokorrak, pasa den asteburuan Durangon izan den azoka eta ostiral honetan Putzuzulon izango dugun Kopla Txapelketa izango dira. Zuzeneko elkarrizketak egingo ditugu telefonoz. Gogoratu ostiral honetarako Kopla Txapelketarako 2 sarrera bikoitz zozketatuko ditugula gure lehiaketako asmatzaileen artean.

Baina bi gai hauez gain bestelako perlak eskaintzen ere saiatuko gara. Zirri eta Marraren arteko iraganeko bertso saio bateko ofizioa entzuteko parada izango dugu, eta “Zaindu maite duzun hori” abestiarekin politikoek egindako bertsioa ere ekarri nahi dugu geurera…         Ez galdu gaurkoa.

//

Zirrimarrak: kateak apurtu, barrutik atera eta eman euskara elkarri!

zirrimarrak zirrimarrak
2012-11-20

Podcast: Play in new window | Download

Apa zirrimarrok!

Ohi bezala, irratsaio interesgarria dugu aste honetan ere. Gonbidatu ugari izango ditugu gela arroxean: AEK eta EHEko bina kide, hain zuzen. Korrikaren 18. edizioaz arituko zaizkigu lehenak, eta Araba, Bizkai eta Gipuzkoako Euskararen Legearen 25. urteurrenaz, besteak. Horrez gain, Euskararen Gizarte Erakundeen Kontseiluak abenduaren 1erako  deitutako manifestazioaz ere hitz egingo dugu. Hori, eta ohiko berri, lehiaketa eta abarrak ere izango ditugu noski! Badakizue, asteazkenero 22:00etan Arraio Irratian! FM 99.3! EZ GALDU!

http://vimeo.com/53833195

Zirrimarrak: aste honetan kale egingo dugu

zirrimarrak zirrimarrak
2012-10-30

Podcast: Play in new window | Download

Kaixo lagun!

Putzuzuloren 7. urteurreneko Bertsio Gaua dela-eta, asteazken honetan ez da Zirrimarrak irratsaiorik izango. Hurrengo asteazkena bitarte, entzungai dituzue aurreko bi astetako saioak.

Datorren astean itzuliko gara beraz, gonbidatu eta guzti. Ez dira faltako berriak, lehiaketa, kolaboratzailea (filosofiaz oraingoan) eta bestelakoak. Badakizue, FMko 99.3an, Arraio Irratian! Eta zorionak Putzuzulo!

ZIRRIMARRAK BUELTAN DA!

zirrimarrak zirrimarrak
2012-10-07

Podcast: Play in new window | Download

UUOOO  OOOO… BAZEN GARAIA!

Udako etenaldiaren ondoren, bueltan da Zirrimarrak irratsaioa! Iaz Arraio Irratiko kultur irratsaio berria estreinatuta, aurten ere gogo biziz gatoz uhinetara. Hamaika pertsonaia, proiektu eta ekimen izan genituen aurreko denboraldian, eta aurten ere hala izatea nahi genuke. Euskara ardatz hartuta, kultura modu zabalean lantzen jarraitzeko.

Asteko albisteak, artikulu interesgarriak, elkarrizketak… topatuko dituzue aurten ere gurean, baina horrez gain, BERRIKUNTZA batzuk ere prestatu ditugu denboraldi honetarako. Hasteko, lehiaketa berritu dugu, eta gainera, lau kolaboratzaile izango ditugu, zineaz, musikaz, literaturaz eta filosofiaz gehiago ikasteko. Horietako bakoitzak bere arloko gogoeta, gomendio, irakurketa edo dena delakoaren berri emango digu, astero astero, txandaka. Zirrimarrak-eko ahots berriak ezagutu nahi? Ez galdu lehen irratsaioa! Aurrerantzean astero bezala, asteazkenetan gaueko hamarretan!

Zirrimarrak: “Bertso astia 2012”

zirrimarrak zirrimarrak
2012-07-25

Apakaxo!

Motxian eta gertutik bukatu nahi dugu Zirrimarrak-en lehen denboraldia. Abuztuan oporrak hartuko ditugu, baina pulamentuz gatoz azken irratsaioa egitera. Hurrengo urtean zenbait aldaketa egin eta indarrez hasteko asmoa dugu; entzule finen ekarpen eta kritikak ere gustura hartuko ditugu!

Aurreko asteburuan bertsoek hartu dute Zarautz,  Motxian Bertso Eskolak antolatutako Bertso Astiarekin. Osteguneko bertso musikatuak entzuteko aukera izango dugu, eta ostiral eta larunbateko giroa nola joan zen ere kontatuko dizuegu. Ohiko berri, lehiaketa, irakurketa eta abar ere ez dira faltako. Badakizue, uztaila ondo bukatu nahi baduzue, gaur Zirrimarrak! 21:45etatik aurrera, Arraio Irratian! FM 99.3!

LASTER ARTE!