Press "Enter" to skip to content

Hilabetea: azaroa 2011

Esne kontuak ATALKAn

atalka atalka
2011-11-24

Podcast: Play in new window | Download

Kaixo arraiozale!

Aste hontako ATALKA irratsaioan, gutako askorentzat egun hain ezaguna edo arrunta ez den lanbide eta iharduera bati buruz arituko gara: esnezale ofizioa.  Izan ere, batetik, une honetan zarautzen etxez-etxe esne banatzen jarraitzen duen esnezale bakarrari eginiko elkarrizketatxoa entzun ahal izango dugu. Eta bestetik, Zarautzen eguneko esnea saltzeko makina jarri nahi duten beste esne satzaile batzuk zuzenean elkarrizketatuko ditugu.

Hau dena badakizu nun, 21’00etatik 22’00tara bitartean.

Eta dauzkazuen galdera, zalantza nahiz komentarioak zuzenean arraiora deituz, facebook bidez edo atalka@gmail.com-era idatziz. Animatu ba!

Parot doktrinaren inguruko hitzaldia entzungai duzue

arraio arraio
2011-11-24

Podcast: Play in new window | Download

Atzo, Txuriren aldeko ekimenetan antolatu zuten Parot doktrinaren inguruko hitzaldia entzungai duzue iada. Bertan, Ainhoa Baglieto abokatua eta Gatza eta Kaifas preso ohiak eduki genituen bizi osoko zigor honen inguruko hizketaldian.

Hitzaldia entzun nahi baduzue, podcastean duzue. Bide batez gogoratu hitzaldi hau FM bidez ere emitituko dugula, Arraioko 99.3an. Hau larunbatean izango da, goizeko 09:00etatik aurrera.

Gaur EZ da gonbidaturik Izerditan Blai saioan

izerditan blai izerditan blai
2011-11-23

Iepa kaxo!

Hemen gara, gaurkoan Mada izan behar genuen elkarrizketatua baina areto futboleko Ceramicas Nogales taldeko lagunak negozio afaria du. Beraz beste batean jardungo gara luze eta zabal areto futbolaz. Iaz azken orduan jetsiera saihestu zuten, eta aurten ere helburua berdina duen taldearen goraberak ea hurrengo astean jakiterik ditugun.
Mada exerita ezkerrik hasita lehenengoa
Hala ere ez pentsa saiorik gabe geratuko zaretenik lehen zatian emaitzak izango ditugu beti bezala, futboleko porrot mingarriak zein ondorio ekar ditzaken argitzen saiatuko gara. Bestetik igandean jokatu zen Kantauri Surf Ligako final handia, bertan getaiko Lonjan taldea izan ziren nagusi, hau ere aipatuko dugu.


Azkenik playerotako kiniela egingo dugu hurrengo asteko mahai ingurua girotze aldera. Ondo izan eta ez hutsik egin gaurko saion 20.00tatik aurrera FMko 99.3an!!!

80-90 hamarkadako hardcore taldeak Juanmarekin

arraio arraio
2011-11-22

Podcast: Play in new window | Download

Gaurko ZarataZarautz irratsaioan, Juanmaren bisita edukiko dugu beste behin ere. Oraingoan, 80 eta 90eko hamarkadan Euskal Herriko Gaztetxeetatik pasatako punk eta hardcore melodikoa jorratzen zuten taldeak errepasatuko ditugu. Leatherface, Snuff, Down By Law, Green Day, Jawbreaker, Rhythm Collision, Bum, Samian, Scream… bezalako taldeen doinuez gozatzeko aukera izango duzue, beti bezala, gaueko 21:30etatik aurrera, FMko 99.3an edo internet bidez.