Press "Enter" to skip to content

Hilabetea: maiatza 2012

ZAGArrak berri gatoz!

Hemen jartzen dizuegu ZAGAk bidalitako mezua:

ZAGArrak berri gatoz! Bazatoz?

Eup gazte! Ze berri? Zaharrak berri? Betiko bizimodu ero hontan nazkatuta? Geure burua, ingurua, berritzeko prest? ZAGArrak berri gatoz! Bazatoz?

Betidanik izan dugu gazteok modu kolektiboan eragiten gaituzten arazo eta beharrei batera aurre egiteko joera. Azken urteotan ordea, Zarautzen horretarako espazio naturala den Gazte Asanbladarik ez zegoela ikusita, eta Martxoaren 31an burututako Dinamitatuai! ekimenaren ondoren, Zarauzko gazte talde bat asanblada batean elkartu gara. Hutsune horiek betetzera bidean, hiru dira ZAGA Zarauzko Gazte Asanbladaren izaera aditzera ematen duten helburu nagusiak:

1. Herriko gazte ezberdinen topalekua izatea eta hauen arteko harremana sendotzea.

2. Kolektibo bat osatzen dugula onartuta, kolektibo gisa ditugun arazoak (herrian modu duinean lan egin eta bizitzeko eskubidetik, botere harremanetatik, kontsumismo hutsetik haratagoko bestelako aisialdi ereduaetaraino) konpontzen eta irrika eta interes askotarikoak asetzen saiatzea.

3. Gazte bakoitzaren aukeren araberako ekarpenarekin, asanblada anitza eta integratzailea osatzea, aurretik egindako lana aintzat hartuta eta belaunaldi berriei protagonismoa eskainiz.

ZAGArrok martxan gaude jada! Larunbateroko asanbladetan, sare sozialetan, eta batez ere, kalean topatuko gaituzu. Kalean ere, laster izango duzue gure berri: ekainaren 16an Zarauzko kaleak gazte indarrez eta aldarriz bete nahi ditugu. Giroa berotze aldera, ZAGArron logoa izango dena aukeratzeko lehiaketa bat ere jarri dugu martxan: bidali zuen lanak maiatzaren 26rako zarauzkoasanblada@gmail.com helbidera! Herriko musika talde gazteei ere eman nahi diegu aukera bat: ekainaren 16an herriko kaleetan zuen oihua entzutea nahi baduzue, bidali mezu bat zarauzkoasanblada@gmail.com helbidera, eta denon artean dantzatuko dugu iraultzaren erritmora! Astindu irudimena eta ekin lanari!

Larunbatero goizeko 11:00etan izaten dugu asanblada Gaztetxean. Guztion ekarpenak egingo gaitu indartsu! Bazatoz?

Eskubaloia eta saskibaloia gaurko Izerditan Blaiko gai nagusiak

Apa kaxo!
Gaurkoan denok egingo duzue bat gure saioarekin, eguraldia gure alde baitago. Aste honetako saion makina bat kontu ditugu zuei eskaintzeko. Eskubaloian gizonezkoek 1. territorial mailan jarraitu beharko dute beste urte betez 2. nazionalera igotzerik lortu ez baitu. Bestalde asteburu honetan izango du Ohorezko B maila igotzeko fasea seniorren lehen taldeak.

Saskibaloian albiste gazi-gozoak ditugu, emakumezkoek ez dute lortu lauko finalean aurrera egiterik eta beraz maila berdinean jarraitu beharko dute. Gizonezkoek aldiz esku eskura dute EBA mailara igotzea.

Surfean Kalifornia aldera joko dugu lehenengo, aurreko astean zuzenean ikusteko aukera izan genuan Nike Lowers Pro amaitu baita. Gaur bertan Billabong Rio Pro 2012 hasi da eta honen berri ere emango dizuegu.

Saioa amaitzeko gure futbito txapelketari tarte bat egingo diogu. Liga erregularra astelehenean amaitu zen eta final laurdenak ostiral honetan hasiko direnez zein partidu izango diren jakinaraziko dizuegu.

Zirrimarrak: literatura gorria Vladimirrekin

 

Aupa lagunok! Aste honetan ere irratsaio bikaina prestatu dizuegu Zirrik eta Marrak. Ohiko berri, lehiaketa eta abarren ostean, eta opio futbolero zuri-gorriari aurre eginez, 90. hamarkadako poesia gorri zarauztarra ezagutuko dugu. Horretarako, gurekin izango dugu Vladimir-en jardundako lagun bat. Ohi bezala, asteazkenean 21:45 aldera Arraio Irratian! FMko 99.3an!

 “Literatura gorriaren eztanda da hau, kamarada. Aspertuta gaude loreak mendian eta behiak larrean daudela dioten liburuekin, kalean sua, odola eta gasolina usaina besterik topatzen ez dugun bitartean. Horregatik sortu dugu Vladimir, batera hiltzen ikasi behar izan dugulako, bizitzen hasteko. Hemen gerra ez delako amaitu. Poeta guztiak ez daudelako kartzelan eta hilerrian. Oraindik ez gaituzte derrotatu eta izanen dute aurrerantzean ere gure berri. Hilero, Vladimir Brigadak sinatua. Literatura munduko itsasoetan dabilen untzi boiatu bat izan daitekeen bitartean, iraultzaren berri onak herrietan barrena zabaltzeko. Lenin, Maiakovski eta gure odolaren gorria bezala, Vladimir.” Vladimir.

 

 

MUSIKA KAXA atalkan

kaixo entzule!!

Ostegun honetan Atalkan, irratsayo berezi bat egingo dugu.Haste honetarako gonbidatuei etseden piskat eman diegu.Hori dela eta,Atalkariok oso musika zaleak garenez,aste honetan guk geuk aukeratutako musika jartzeko asmoa dugu.Beraz,esan daiteke osteguneko saioa,saio musikala izango dela.

Beraz,ez galdu aukera eta entzun Atalkako kidei gustatzen zaizkien talde desberdinak.Musika estilo oso desberdinak izango dira entzungai,betiko orduan.

Ez galdu saioa!!

 

Hirukotea berriz ere ZarataZarautzen

Arraio Irratiaren urteurrenaren atarian ez dugu gonbidaturik izango ZarataZarautz irratsaioan. Baina lasai, ohiko hirukotea asteartero bezala bertan egongo da belarriak astintzeko gogoz. Gaurkoan, Humilitate, Estricalla, Zinc, Mostros, Mundo Muerto eta beste hainbat talderen doinuak entzun ahalko dira, beti bezala, gaueko 21:30etatik aurrera.