Zarauzko irrati askea
Podcast: Play in new window | Download
Aste honetako ZarataZarautz saioan kaleratu berri den liburu bat edukiko dugu hizpide. Mierda de Bizkaia y susu grupos Punk liburuaz mintzatuko gara bere egilearekin, Andoni Fernandezekin. Guzti hau beti bezala, gaueko 21:30etatik aurrera izango da.
Irratsaioa podcastean duzue. Playlista berriz HEMEN.
Podcast: Play in new window | Download
Ieup bertsozale!
Aste honetan Bapateko Unibertsoan Imanol Epelde elkarrizketatuko dugu. Kopla txapelketaren sorkuntzaren nondik norakoak aztertzeaz gain bere bertso ibilbidea ere errepasatuko dugu. Saturnoko puntu-eraztunetan Eider Etxeberriaren eta Beñat Intxausperen erantzunak adituko dugu, eta teleskopiotik sekzioari dagokionez, 24 urte egingo dugu atzera, Imanol Epelde bera aditzeko hain zuzen ere. Animatu!!
Podcast: Play in new window | Download
Kaixo denoi!
Gaurko saio honetan Zirrik eta Edonatok piper egin dute eta I-Jauna bakarrik utzi dute gela arroxean. Dena den, kazetari lanetan ibili ginen larunbatean Bilbon burutu zen euskal preso eta iheslari politikoen aldeko manifestazioan eta Askapenak eta Euskal Herriaren Lagunak deritzan elkartasun komiteek antolaturiko ekimenetan izan ginen grabagailua eskutan.
Ekitaldia, Altsasu eta Iparra Galdu Baiko lagunen esker mezuak, Nekane Txapartegi eta 18/98 makrosumarioko testigantza gordinak eta kanpotik etorririko jendearen hitzak izan ditugu esklusiban. Entzun ezazue!
Podcast: Play in new window | Download
Bada ez dakigu konturatu zareten, baina, bai, Atalkariok zuen hilekoak gara! Kaixo!
Ezaguna egin al zaizue izenburua? Eta jarraian jarri dugun irudia? Duela urte batzuk, iragarki batek horrelaxe irudikatu zigun emakume batzuok hilero izaten dugun odoljarioa: traje eta kapelatxo gorri dotore eta moñoñoaz lagundurik, bere burua neska bati aurkeztera etorri zen. Eta hori nahikoa ez eta konfetia -’emakume’ bihurtu izana ospatzeko- eta kontsolatzeko jarrera -’emakume’ bihurtu izanak pena emanez gero- zeramatzan berarekin.
Zenbat topiko asmatu dira hilekoaren inguruan? Zergatik daukate batzuek hilekofobia? Zergatik batzuetan sekulako garrantzia ematen zaio eta beste batzuetan baztertu egiten da? Eta hilekorik gabekoekin zer gertatzen da? Horretaz guztiaz hitz egiteko, laguntza eskatu diegu gure irratikideei eta bi etorriko zaizkigu euren esperientzia eta iritzia ematera. Baina ‘mahai-inguru’ horretaz gain, pelikuletan eta telebistan ere, menstruazioa nola irudikatu duten kontatuko dizuegu.
Ez galdu gaurko Zinema Itsua. 21:00etatik aurrera, zuen irrati Arraion, 99.3 FMn edo internet bitartez.
Podcast: Play in new window | Download
Kaixo entzule maite!
Urte berriko lehendabiziko saioa egingo dugu ostiral honetan. Oraingoan iaz gurean izan behar zuen Jaime laguna etorriko zaigu gela arroxera. Gaixotasun bat medioa ezin izan zuen gurean izan, baina ostiral honetan, sasoi bete-betean gerturatuko zaigu. Berarekin kick-boxingaren inguruan gehiago jakiteko aukera izango dugu. Kirol honen inguruan askorik ez dakigunontzat saio interesgarria izango da, borroka mota honen inguruan gehiago jakiteko aukera izango dugu.
Honetaz gain igandean preso eta iheslarien giza eskubideen aldeko eskubaloi jardunaldia ospatu zenez honen inguruko aipu bat ere egingo dugu. Beti bezala saioa ostiralean 18.00tan Arraio Irratian, FMko 99.3an izango duzue entzungai, ez hutsik egin!
