Zarauzko irrati askea
Podcast: Play in new window | Download
Iepakaixou ia denoi!
Gaurko irratsaioan, maiatzaren 21ekoan, Ahoztar Zelaietaren kolaborazioa izan dugu saioa hasteko. Argitaratu berri duen bere azken liburuaz aritu gara “Diagnostico Tolosaldea. La privaticación de la sanidad en en oasis vasco”
Ondoren Hego Euskal Herriko etxebizitza sindikatuen sareko kideak izan dira gure mikro askeetan beraien ekinbideen berri emateko.
Entzun ezazue!
Bat, bi, hiru…… hamar, hamaika, hamabi…. hamabost, hamasei, HAMAZAZPI!
Ezkutaketan jolasten ginenean ehun eta norbere urteak zenbatu ohi genituen ezkutatuta zeudenak harrapatzera joan aurretik.
Gure kasuan, hamazazpigarrena zenbatzerako hirugarren gotorlekuan egokitu gara. Hiruputzu gaztetxean, Arraio 3.0!
Santa Marinako garaiak eta Putzuzulo atzean utzi eta etapa berri batean harrapatu du Arraio urteurrenak. Harrapatu gaitu. Harrapatu zaituzte. Harrapatu zaituztegu.
Eskerrik asko urte hauetan zehar entzun, zabaldu edo modu ezberdinetan babesa azaldu diguzuen guztioi.
Beste hainbestegatik, eta gela arroxa zabalik duzuela gogoratuz, topa!
ZORIONAK ARRAIO! 99.3 FM!
Podcast: Play in new window | Download
Azken irratsaiuan el Tigre de San Francisco gurekin. Hiru urte hauetako errekorra gainditu dun pertsona, irratsaioik luzeena. Barkatu txapagatik :)))))
Vulk, Zikin, Sistema de entretenimiento, Ray Barretto etab.
Txintxuak izan!
Podcast: Play in new window | Download
Duela 92 urte Narrondon (Zumaia) jaiotako Iñaxio Aizpuruarekin izan genuen solasalditxoarekin gatoz. Berak, nahiz eta hainbeste urte pasa, oso fresko dauka Frankoren estatu kolpeak eta ondorengo gerrak nola markatu zuen bere haurtzaro eta gaztaroa ze besteren artean bera aita 3-4 urtez etxetik kanpo egon zen Frankoren ejerzitoari aurre egiten eta gero espetxe batean preso. Horregatik, bere bizitzaren lehen hamarkadak ez ziren batere samurrak izan, bereziki, morroi eman zituen 7 urteak. Gero, argindarra sortzen eta inguruko herrietan banatzen zuen enpresa batean hasi zen lanean, soldaduskara joan zen, ezkondu zen, familia izan zuen etab…
Pasadizo, hausnarketa, txantxa…pila aditu ahal izan genizkion bata bestea bezain interesgarri eta baliogarria.
Ez galdu aukera, 21:30tik aurrera, Arraio Irratian Iñazio Aizpurua!!!!
Podcast: Play in new window | Download
Gaurko saioan Lierni Osa eta Xabat Olaizola izan ditugu gela arroxean. Biak harrijasotzaileak dira eta kirol honen inguruan gehiago ezagutzeko aukera izan dugu, harri baldarrak, telebistako saioak, txapelketak eta nola ez, pentatloia.
