Larunbat honetan Putzuzulo Gaztetxean Anestesia eta Gaizkiñe taldeek txantaia ekonomikoen aurkako kontzertua eskeiniko dute 21:30tan. Ondoren DJak arituko dira musika jartzen eta Arraio Irratian hau dena entzuteko aukera izango duzue.
Egilea: arraio
Podcast: Play in new window | Download
Hemden daude denon gozagarri pasa den asteburuan egin genuen irrati-maratoiko irratsaioen grabazioak eta argazkiak ere. Esan beharra daukagu bukaera aldera ordenagailuak pott egin zuela eta Kaiolatik eta Non Grata irratsaioen zati batzuk falta direla :_( Barkatu.
Podcast: Play in new window | Download
Gaztetxearen urteurren ekitaldien barruan Arraio Irratiak bi kontzertu grabatu ditu. Larunbatean Pariak Bai talde zarauztarrak eta igandean Anarik eskeinitakoa. Jon Benito eta Maialen Lujanbio ere aritu ziren bertso-poesia errezitaldian eta hau ere entzungai duzue. On egin!
Ah! Eta gogoratu datorren azaroaren 5ean IRRATI MARATOIA burutuko dugula! Bertan ikusiko gara!!
Jada urte bete egin dugu Zarauzko Gaztetxean. Urte bete gazteon ilusio eta indarrarekin lorturiko etxean. Arraio Irratiak zorionak eman nahi dizkie Putzuzulo amets fabrikan turno ezberdinetan lanean aritu diren guztiei. ZORIONAK!!
Urteurren hau ospatzeko ekintza mordoa antolatu dira, argipenak HEMEN aurki ditzakezue. Gure aldetik esan, datorren azaroaren 5ean, urteurrenaren ekitaldi sorta amaitzeko, IRRATI-MARATOIA antolatzen gabiltzala. Bertan Arraio Irratiko irratsaio denek 30 minutu izango dituzte programa berezi bat egiteko. Arratsaldeko 4retatik gaueko 11ak arte etenik gabe arituko gara herritarroi irrati bat nola egiten den erakusten. Esan, 7etatik 8etara irrati libreei buruzko DokuMental interesgarri bat eskeiniko dugula Gaztetxean bertan.
Besterik gabe, ondo segi!
Kaixo Arraiokideok!
Hainbestetan iragarri bezala, azkenean irten da labetik gure lehen KD bilduma! Bertan Arraio Irratiko une xelebreez gozatzeko aukera izango duzu. Bainan ez hori bakarrik, kuña ezberdinak, grabaturiko kontzertuak eta sorpresa batzuk ere baditu bere barruan bilduma honek. 3 euroren truke SKAPAko festetan hasiko gara saltzen. Adi egon kontzertutetan Arraio Irratiko unitate ibiltaria bertatik ibiliko baita 😉
Bestalde, txapa berriak ere egin ditugu eta baita udarako programazioaren karteltxoak. Eta aurrerapen moduan esan, irailean hasiko garen Arraiokide kanpainan zuen guztion parte hartzea bilatzera joango garela.
Sintonizatu zure irratia, Arraio Irratia, 99.3 FM!!