Egilea: Antigualeko

Podcast: Play in new window | Download

Duela 92 urte Narrondon (Zumaia) jaiotako Iñaxio Aizpuruarekin izan genuen solasalditxoarekin gatoz. Berak, nahiz eta hainbeste urte pasa, oso fresko dauka Frankoren estatu kolpeak eta ondorengo gerrak nola markatu zuen bere haurtzaro eta gaztaroa ze besteren artean bera aita 3-4 urtez etxetik kanpo egon zen Frankoren ejerzitoari aurre egiten eta gero espetxe batean preso. Horregatik, bere bizitzaren lehen hamarkadak ez ziren batere samurrak izan, bereziki, morroi eman zituen 7 urteak. Gero, argindarra sortzen eta inguruko herrietan banatzen zuen enpresa batean hasi zen lanean, soldaduskara joan zen, ezkondu zen, familia izan zuen etab…
Pasadizo, hausnarketa, txantxa…pila aditu ahal izan genizkion bata bestea bezain interesgarri eta baliogarria.

Ez galdu aukera, 21:30tik aurrera, Arraio Irratian Iñazio Aizpurua!!!!

Podcast: Play in new window | Download

Duela ia 87 urte Zarauzko erdigunetik oso gertu zegoen kale baserri batean jaiotako Iñaki Iruretagoiena “Kukulu”:rekin solasalditxo izugarri interesgarri eta dibertigarri bat izango dugu. Beste kontu askoren artean jakingo dugu nola herriko familia batzuek iskin egin ahal izan zioten goseari Mirandako markesaren Zarauzko lurrak landuz, Udaletxeko plaza astoz eta berdura saltzailez beteta ahalko dugu irudikatu, ezagutuko ditugu Zarauzko gazteek txanpon batzuekin etxean laguntzeko udaran ze lan egiten zituzten , ondo ulertuko dugu garai horietako gazte batentzat zer suposatzen zuen soldaduska egitera joatea, zarauztarrentzat Donostiako Kontxako banderak zer nolako festa suposatzen zuen, entzungo dugu nola derrigorrez Circulo Carlistaren jardueretan hartu behar zuten parte… eta noski, Iñaki hainbat urtez bake epailea muxutruk izandakoa denez ba horretaz ere jardungo gara. Ez galdu aukera paregabe hau, entzun hau eta ezagutu gure iragana ulertzeko nondik hatorren!!! Gaur, apirilak 20, 21:30tik aurrera!!!