Gaur, azaroak 24, ez da Highway 9 saiorik egongo Arraio Irratian. Hurrengo astean itzuliko gara, gonbidatu berezi batekin! Ondo pasa eta txintxo ibili!
Egilea: Mikel Rotaetxe
Normalean baino ordu erdi lehenago hasiko da gaurko Highway 9. 19:00etan izango da. Saio ikaragarria prestatu dugu gaurko, eta besteak beste, Patti Smith, Radiohead edo Iggy Popen kantak entzungo ditugu. Ez galdu!
Indie musika. Batzuentzat musika, artea eta eguneroko bizitza ulertzeko terminologia da. Beste askorentzat, ordea, moda komertzial bati erreferentzia egiteko marketing asmakuntza bat. Iritziak iritzi direla, ez dago ‘indie musika’ bezain beste maitale eta aurkako dituen musika estilorik. Askok estilo bat ote den ere galdetzen diote beren buruari. Baina ez dago inplako zalantzarik baieztapen batean: estilo hau existitu edo ez, orijinala ala moda soil bat izan ala ez, hizki larriz idatzitako talde, abeslari eta kanta asko errotu dituela.
Gaurko Highway 9 saioan unibertso lausotu honen barne egingo dugu, eta besteak beste, Arcade Fire (argazkian), We Are Standard, Cut Copy eta Vetusta Morla izango ditugu gurean. Ostegunean, arratsaldeko 19:30etatik aurrera, Arraio Irratian. Ez galdu!
http://www.youtube.com/watch?v=OJJAph67fMs&feature=related
Uztaileko arratsalde bero batean itzali zen soul unibertsoko azken rock izarra: Amy Winehouse. Gaurko Highway 9 saioa guztiz eskainiko diogu bakarlari ingelesari. Bere hastapenak, lehen arrakastak, handi egin zuten abestiak… Denak errepasatzeko auekra izango dugu Arraio Irratian. 19:30etatik aurrera, piztu 99.3a!
Gitarrak zorroztuta ditugula, prest gaude Highway 9 saioko denboraldi berriari ekiteko. Atzerriko rock musikak Arraio Irratian duen txokoak hirugarren urtea izango du 99.3 frekuentzian barrena, eta saioak jauzi bat eman nahi izan du horregatik. Jakinminez bazabiltzate, bihar arratsaldean piztu Arraio Irratia. Ordutegi berria dugu: 19:30etan. Lynyrd Skynyrd, Tom Petty eta Amy Winehouse izango ditugu, besteak beste. Ez hutsik egin!