Kategoria: Izerditan blai

Podcast: Play in new window | Download

Kaixo entzule maite!

Hasiera batean herriko taldeen errepasoa egiteko asmoa bagenuen ere, azkenean datorren astera atzeratu dugu Jokin Aranburu Euskadi Fundazioko txirrindulariari elkarrizketa egin diogulako. Iaz, Ampo Ordizian aritzen zen amateur moduan, aurten ordea profesional izatera igaro da Mikel Landaren taldean. Denobraldi hasiera honetako lasterketak, maila aldaketa eta beste zenbait kontuz aritu gara berarekin

Saioa amaitzeko, betiko moduan, playeroetako kiniela egin dugu, igandeko 13.00etan 11. jardunaldia jokatuko delako.

Kaixo entzule maite!

Biharko egunean, urteroko usadioari jarraituz Paul Altuna rubgy aditua etorriko zaigu gela arroxera. Betiko moduan, 6 nazioak eta Zarauzko errugbiaren inguruko analisia egingo dugu berarekin. Jada bi jardunaldi jokatu dira 6 nazioen txapelketan eta badirudi aurten ere Ingalaterra izango dela hautagai nagusia.

Honetaz gain, playeroetako kiniela egiteko ere baliatuko dugu biharko saioa. Igandean beste jardunaldi bat izango da Zarauzko hondartzan eta bertan gertatuko dena asmatzen ahaleginduko gara. Beti bezala, hau dena, bihar, 20.00tatik aurrera Arraio Irratian, FMko 99.3an!!

Podcast: Play in new window | Download

Kaixo entzule maite!

Aste honetan gela arroxean saskibaloiaz arituko gara. Lehendabizi Getariako Shark izen zen gurean, ondoren saskibaloiko neskak eta azkenik Ulaciako mutilak. Jokin Collantesen gidaritzapean denboraldi aparta burutzen ari dira. Une honetan lehendabiziko postuan daude Lehengo Autonomikan. Denboraldi bikain honen inguruan ez ezik Sharken aferaren inguruan ere mintzatuko gara bi jokalariekin.

Honetaz gain playeroak ere aipatuko ditugu, nola ez. Txingor jasa bortitz baten ostean balentria egin zuren hondartzara gerturatu ziren jokalariak, denak dira txapeldun eguraldi makurraren aurrean jolastera joateagatik, bejondeizuela!!

Podcast: Play in new window | Download

Kaixo entzule maite!

Eguraldi txarrari aurre egiteko zer hoberik Izerditan blai entzuterik baino? Gainera aste honetan gizonezkoen eskubaloiko lehendabiziko taldeko bigarren entrenatzailea den Iraitz Unanue eta jokalari bat izango dira gela arroxean. Denboraldi honetan entrenatzaile aldaketa eman da eta Hugo Sanchezen laguntzaile bezala dabil Iraitz. Beraz, eskubaloiaz arituko gara gizonezkoen munduko eskubaloi txapelketarekin nahikoa izan ez dugulako.

Bestalde, playeroetako jardunaldi berri baten atarian gaudenez kiniela ere egingo dugu, egun zeuk ere zeurea facebooken! Beti bezala, gure saioa bihar 20.00tatik aurrera izango duzue entzungai Arraio Irratian, FMko 99.3an!!