Kategoria: Izerditan blai

Podcast: Play in new window | Download

Kaixo entzule maite!

Hotzak epeltzeko asmoarekin biharko saioan saskibaloiko jokalariak etorriko zaizkigu gela arroxera. Denboraldi honetan Zasteko neska zein mutilak Euskal ligan ari dira eta beraien egunerokoa gehiago ezagutzeko aukera izango dugu.

Honetaz gain, playerotako azken jardunaldiaren errepasoa egingo dugu, beti bezala, hemen ere ezusteko batzuk izan baitziren. Beraz, badakizu, kontu hauen inguruan gehiago jakin nahi baduzu, sintonizatu asteazken honetan 20.00tatik aurrera Arraio irratia, FMko 99.3an!!

Podcast: Play in new window | Download

Kaixo entzule maite!

Gaurko saioan eskubaloiko kideak etorriko zaizkigu, lehendabiziko taldeetako ordezkariak izango dira gurean. Nesken denboraldi bikaina aipatzeaz gain gizonezkoena ere errepasatuko dugu, aldaketak aldaketa berean jarraitzen baitute.

Playerotako kontuak ere aipatuko ditugu, nola ez, azken jardunaldia errepasatu eta larunbat honetako kiniela egingo dugu, zu ere anima zaitez bertan parte hartzera!

Podcast: Play in new window | Download

Kaixo entzule maite! Hemen gara berriz ere Izerditan blaiko denboraldi berri batekin. Aste honetan Juan Sorreluz izango dugu gaztetxe berriko gure estudio berrian. Gustora aritu gara berakin solasean denboraldi honetan egindakoaz eta aurrera begira egin daikeenaz. Nola ez, playeroak ere aipatu ditugu, azken jardunaldiko errepasoa eginaz.

Podcast: Play in new window | Download

Kaixo entzule maite!

Gaurkoa izango da gela arroxetik egingo dugun azken saioa. 16 urte hauetan esatari ugari pasa dira, hamaika gonbidatu etorri, beste horrenbeste kolaboratzaile espezialista gerturatu, ehundaka partiden kronikak egin, zenbait historiko gogoratu, kirol bitxiak errepasatu, gai ezberdinak jorratu, kirol ekitaldiak zein mahai inguru interesgarriak antolatu. Hau dena urte hauetan guztietan egiteko pertsona askoren parte hartzea ezinbestekoa izan da. 16 urte hauetako ibilbidearen isla izaten saiatuko da gaurko saioa, denboraldi hauetan zehar izan diren esatariak gerturatuko baitira. Hortaz, gaurkoa saio berezia izango da, ez hutsik egin eta sintonizatu Arraio irratia 21.00tatik aurrera FMko 99.3an!!

Podcast: Play in new window | Download

Kaixo entzule maite!

Gaurkoan eskubaloi kontuekin gatozkizue. Alde batetik Alberto Agirrezabalaga izango da gurean, gizonezkoen lehendabiziko taldearen denboraldiaren balantzea egiteko. Bestetik, Nahia Arruti ere etorriko zaigu Txaparrotaneko kontuen inguruan hitz egitera. Beraz, badakizue, ez hutsik egin eta sintonizatu Arraio irratia, 21.00tatik aurrera FMko 99.3an!!