Zarauzko irrati askea
Podcast: Play in new window | Download
Kaixo entzule maite!
Biharko saioan herriko talde ezberdinei egingo diegu errepasoa. Ziurgabetasun egoera honetan talde batzuk berriz ere beren txapelketarekin hasi baitira. Hauen errepasoa egiteaz gain herriko kirolari ezberdinen jarraipena ere egingo dugu bakoitzaren berri gehiago izateko asmoarekin.
Beti bezala, hau guztia bihar, asteazkena 21.00tatik aurrera izango duzu entzungai FMko 99.3an!
Podcast: Play in new window | Download
Kaixo entzule maite! Urte berriari hasiera bikaina emateko asmoarekin biharko saioa prestatu dugu. Alde batetik gure Elena Azpeitia partikularrak Diana Lopez judokari eginiko elkarrizketa izango dugu. Maila apartean dabil Judo Klub Lizardiko kirolaria eta kirol honen inguruan gehiago ezagutzeko aukera izango dugu.
Bestetik, eskola kirolaren egoeraren inguruan hitz egiteko La Salleko ordezkari den Aitor izango dugu gela arroxean. Eremu hau ere gogor kolpatu du pandemiak. Azken urteko egoeraren berri emateaz gain atzoko aldaketen ostean etorkizuna nola ikusten duten azalduko digu.
Podcast: Play in new window | Download
Kaixo entzule maite!
Negu giro honetan etxean geratu eta zer hoberik Arraio entzutea baino? Gainera gaurkoan herriko harri jasotzaile bat izango dugu, Iñigo Eizagirre “Eiza” alegia. Gela arroxera etorri izan da behin baino gehiagotan eta oraingoan ere mikroen aurrean izango dugu. COVID-19ak dena hankaz gora jarri duen honetan, harri-jasotze munduan izan duen eragina nolakoa izan den jakingo dugu bere ahotik.
Beraz, ez hutsik egin eta sintonizatu 21.00tatik aurrea Arraio irratian, FMko 99.3an!!
Podcast: Play in new window | Download
Kaixo entzule maite! Gaurko saioan Zarautz Rugby taldeko Juan Sorreluzen bisita izango dugu. Garai gorabeheratsu hauetan Ohorezko B mailako liga orain aste batzuk hasi zen eta bi jardunaldi jolastera iritsi dira. Oraingo atseden tartea baliatuko dugu gaur artekoa errepasatu eta datorrenari begiratzeko. Juan iaz ere izan genuen gela arroxean, aste honetan Galdedebalden jardun zen baina gaur saio serio batera etorriko da.
Beti bezala elkarrizketa hau 21.00tatik aurrera entzuteko aukera izango duzu Arraio Irratian, FMko 99.3an!!
Podcast: Play in new window | Download
Kaixo entzule maite! Alarma egoera honetan gure jardunarekin jarraitzeko asmoa dugu segurtasun neurriak hartu eta ahal dela kirol aktualitatea zuenganatzeko. Oraingo honetan eskubaloiaz arituko gara. Emakumezko zein gizonezkotan 5 jardunaldi igaro dira nahiz eta gure ordezkarien ezin izan dituzten partida denak jokatu. Pandemia garaian nola moldatzen ari diren jakin nahi dugu, entrenamenduak, partiduak, bidaiak… nola prestatzen dituzten. Honetaz gain gizonezkoak ligak ere aldaketa batzuk izan ditugu eta horren inguruan ere galdetuko diegu gerturatuko diren ordezkariei.
Hau dena beti bezala 21.00tatik aurrera, Arraio Irratian, FMko 99.3an!!
